Maxaa uga horeeya Qasriga madaxtooyadda madaxweyne Farmaajo ?

Frmaato&Beesha caalamka

Afeef.

Anigu ma ihi siyaasi lafa Gura siyaasadda mana ihi mucaarad ee waxaan ka mid ahay dadweynaha  hamuunta uqaba madaxweynaha cusub ee  sida weyn loogu wada sacaba tumaayo.

balse waxaan arkaa dad fara badan oo somaaliyeed oo mooda  In doorashada farmaajo ay ka dhigan tahay  in aan Hal maalin ku heli doono Dowlad  xoog badan oo macal NUCLARkeeda wadata  Sidoo kale Umalaynaaya in FARMAAJO laf dhuun gashay ku noqon doono danaha ay naga leeyihiin  dawladaha dariska ah iyo  tan Beesha caalamkuba. Sida waaqicigga ahna taas waa ay ka duwantahay dhabtii, waayo farmaajo waxaa  Qoorta ugu jira Qool bir ah oo hadii la dhuujiyo  dhibkiisu badanyahay haba ugu horeyso.

1      1-     Dhismaha ciidan qaran oo Qabiil iyo deegaan gaara aan ka amar qaadan si looga maarmo Ciidamadan shisheeye.

2     2-     Dhismaha garsoor cadaalad ah oo aan hoos tegin oday Beeleed,deegaan,ama Qabiil.

3     3-     La dagaalanka musuqmaasuqa iyo boobka hantida qaranka iyo tan dad gaaraba.iyo weliba saraynta sharciga waddanka oo waxwalba laga sara mariyo

4     4-     Dhammeystirka Dastuurka Qaranka.iyo wax ka bedelidiisa.

5      5-     Waa jihida qaabkii uu ku soo afjari lahaa Kooxaha qaswadayaasha ahee kazoo horjeeda.

6     6-     Qaabaynta ahlusuna iyo maamulka galmug

7     7-     Soo afjarida colaadda aan macnaha ku dhineyn ee Magaalada Gaalkayo oo noqotay marinkii GAZA-da Falastiin oo kale kana daran tan qaswadayaasha

8     8-     Dhismaha Xiriir caalami ah oo SOMALIA iyo aduunka dhexmara  si shaqsiga somaliga ah qiima u yeesho.iyo  ka dhaadhicinta aduunka in Kaliya ay la hadli karaan dowlada dhexe oo kaliya,halka nin kastoo masuul qabiil ama maamul ay si isku mid ah u qaabilaan

9    9-     Soo celinta  lacag qaran iyo bank-dhexe,iyo weliba qaabaynta shirkadaha gaarka ah

1   10-  In Maqaamka caasimada  is bedel muuqda uu ka dhaco waayo waa wajigii wadanka hadii wajiga dhaawac kaaga yaalo waxaa adkaan doonta in aad qof waba usoo bandhigto.

1    11-  Raja soo noolaynta iyo dib u dejinta qaxootiga ku tabaalaysan wadanka gudihiisa inta aan la gaarin kuwa banaanka ku dhiban iyo weliba  abaaranhan baahsan ee halakeeyay dad iyo duunyaba

1    12-  Iyo weliba qodxa tira badan oo meel walba ka taag taagan  oo tag taagsi u baahan …………

Hadaba dadweynow si taas loo gaaro MD Farmaajo waxaa uu la imaandoonaa  siyaasad  dabacsanaan badani ay ku lamaanantahay  oo ka duwan tan aad dooneysaan oo ah dhis halmaalin dowlad, Deriska dab ku qabo  si dalkeena noogu daayo ……..waayo  waxaa uu u baahan yahay in uu wax uun ka qabto waajibaadkan faraha badan ee horyaala mana jiro canug caawa dhasha  hadana hora ka istaaga oo waxaa uu u baahanyahay in uu caana badan ka jiqo hooyadii si uu awood u yeesho. Dowlad kaligeed iska istaagtana ma jirto ee waxaa ay u baahantahay  taageero iyo tabantaabyooyin badan,mid shacab iyo mid caalamiba  oo labaduba ku dhisan Hiil iyo Hoo..

Ilaah waxaan ka baryaa  dal nabad ah iyo dad wax qabsadaa in uu inaga dhigo……………..