Ma mucaarad Misa Mooryaan?

Aragnay Xildhibaan Mar walba Mooshin baafinaaya Si uu wax u dumiyo.
Ma aragteen Xildhibaan Hebel Ayaan Abaaraha intaas oo lacag ah mushaarkiisa ka jaray ? Halka uuba diidanyahay in uu ka bixiyo canshuurtii xaqa loogu lahaa ,dhinaca kalena hooyada yaanyadda gedaysa bixiyo canshuurta,

Ma aragteen xildhibaan hebel ayaa hal habeen quudiyay caruurtii eheladoodii ku nafwaayeen xasuuqii ay ku halaagsameen 600 qof somaali ah dhamaantood,

halka uu xildhibaan sheegay in uu bil dhan biilkiisa u jarayo caruur waalidkood noolyahay midna xabsi ku jiro midna u xamaalayo “Hashu Maankayga Gaddaye Ma Masaar Bay Liqday”!

Ma aragteen Xildhibaan ka hadlaya Wasiirkiiqiimaha badnaa ee taariikhda somaaliya muda kooban ka galay baal dababi ah ee hadhcad la toogtay marka laga reebo xildhibaano  ka xun xilka qaadis loo sameeyay dilkaa dartiis iyo kuwa kicinaaya qabiilkii uu kadhashay askerigii dilka fuliyay iyo ninkii uu waardiyaynaayay, lehna sharciga yaan la marsiin ? maantana rabaan in ay inoo sheegaan in ay u dooda yaan  “Qalbidhagax”oo weliba rabaan in ay biilaan caruurtiisii, midkii ay isku hayb soocyihiina ku sheegay  nin wadan Dheeri ku ah(yani ajnabi)yaabnaye wasiir siraaji caruurtiisu Somaali ma ahan miyaa Misa caruurtaa kala qiima badan maxaa kuu diiday ugu yaraan in aad mushaarka aad sheegayso aad ukala qeybiso si ugu yaraan ceebtaada ama ujeedkaaga sirgaxan ugu qariso,halagaa qaato ama halaguu daayee adeer miyaan la joogin 2017,2018.

Ma aragteen xildhibaan Qaran Ayaa wada heblo,Iskuul,Hospital,Jaamad,wax dan guud ah,Lacag lagu dhiso ku deeqay?

Ma aragteen Xildhibaan Hebel ayaa tuuladii uu ka soo jeeday wax ku deeqay ama Dowlada kula xisaabtamaya  sida dadkii xasaanada uu uhayay wax loogu qaban lahaa ?

Xildhibaankaan qarashkiisa isku doortay oo aysan jirin sharci xiraya oo aan ahayn lacag ama xil isaga yaa la xisaabtamaya oo aan ilaahay ka ahayn ?!!!!!!!

Xildhibaan Qaran oo ugu Hanjabaaya Xukuumaddii uu shalay ansixiyayay iyadadoo weli xitaa qaarkood xafiiskoodii fadhiisan hadana in uu Dumin doono.

Adeer Xasaanadda laguu dhiibay ma ahan in aad wax dumisid ee waa in aad wax dhistid !!!!!!!! imisaad wax duminayseen Hadii ay tahay wax toosin misa Dastuurka ayaanba lagu qorin Qeybta Dhisida iyo ilaalinta waddanka uu xasaanadda u haayo xildhibaanku, misa  sababta uu xildhibaan u yahay ayuuba garayn, Bal Qaar idinka mid ah Hadii ay wax aqriyaan Taariikhda Dhow dib u xasuusta si ay ugu Gogol xaarto mida Fog.

Inkastoo aan Dastuurka ka arkay hadii aan laba bedelin Cutubka labaad

Qodobka18aad. Xorriyadda Ra’yiga iyo Afkaarta
(1) Qof kastaa wuxuu xaq u leeyahay in uu yeesho, soo bandhigo ra’yigiisa iyo in uu doono, inuu helo oo gudbiyo ra’yigiisa, xog ama afkaar si kastaba.
(2) Xorriyatu qoolka waxaa ka mid, xorriyadda hadalka, saxaafadda iyo wax walba oo soo gelaya warbaahinta elektaroonikada iyo internet-ka.
(3) Qof kastaa wuxuu xaq u leeyahay in uu muujiyo hal’abuurkiisa faneed, xorriyaddiisa aqooneed iyo xorriyadda cilmi-baarista. 

Haddana waxaan arkaa Ra’yiyo Ku salaysan Qabyaalad oo Qurbajoogtu isla dhex Marayaan Social Media oo xitaa aad arkayso xildhibaanada qaar in ay isha soo mariyaan ee la soo fadhiistaan kana dhigaan dood.

Waxaasa habooneed in ay noqdaan dooduhu kuwa madax banaan oo ah Toosin Ama dhaliilo   maan gal ah kuna salaysan falsafad cilmiyeed ku dhisan aragti siyaasadeed oo ka turjumaysa danta dalka iyo dadka ,oo qofku ku sheego waxa uu aaminsanyahay halkii aad ka noqon lahayd Haye raac uu Owrka ku kacsado  shisheeye,Siyaasi sheegte Aan Dal iyo dad toona dan iyo heelaba kalahayn .....
Dal dadkiisa ayaa dhisa ee dowlad ma dhisto....

Waxaan si hoose Isha ugu hayay Dhamaan warbaahinta sheegta in ay si madax banana wax u baahiso ayaan daro waxaan aragnaa rag kooban oo sagaashanki taagan war baahinta oo aad moodid afayeeno dowlad ama jabhad ka soo horjeeda Rajada ummadda Somaaliyeed,Sida dowlada hada curdanka ah,

 oo dhamaan dadka somaliyeed u arkaan bidhaan yar oo soo muuqatay,taas oo iyadda iyo shacabkeeduba  la daalaa dhacayaan Dhibaatooyin dhinac walba ka haysta, gaarahaan cadowga cusub oo dunida oo dhan la daalaa dhacayso waa argagixisada caalamiga ah, Macluusha,abaarta, nabaadguurka dhul iyo bad,Shaqa la’aanta dhalaanka,iyo dhamaan dacdarooyinka uu la daalaadhacaayo shacabka somaaliyeed waji kastaba hala haadee.

Siyaasi xumaha afka dheer sidii Radio FM-kii Chinees-ka iyo danlayda Runtii waan ka daalnay ee ma mucaaradbaa tahay misa mooryaan waxaan la hadlayaa xildhibaanada kiciya dadka si ay gidaar uga dhigtaan misa ogtahay in ay tahay denbi kicinta dadweynaha marka la xeeriyo xeerarka dowladeed ? kumaa tahay adigu waxaan weydiinayaa  shacabka somaaliyeed ee baahida u qaba nolol shaqsiyadeed  ee dalkiisa hooyo,waxaa hubaal ah in  nabadda iyo dowladnimada somaaliya ay xitaa dan u tahay dhamaan naflayda  balsa   kuwa huwan shaatiga dowladeed iyo  weliba xasaanada umada somaaliyeed adeer xasaanada aad hayso uma haysid Ganacsi,qabiil,iyo in ay jaranjaro u noqoto danahan shisheeye iyo weliba midaadan guracan, ee qaran ayaad ugu matashaa ee dib wax u aqri hanoqon dawacii  halmar Dabka qaaday ee dabadeeda ku qabatay !

Aragnay Dowlada oo soo bandhigaysa wax qabad muuqda shacabkana la wadaagaysa !

Ma aragteen mucaarad  wax qabad soo bandhigaya  marka laga reebo in ay saxaafada lawadaagaan  dul duleelada dowlada halkii ay wax sixi lahaayeen ama ay ka hadli lahaayeen danta dadka iyo dalka ay rabaan in ay wax ka noqdaan  Ma mucaarad misa Mooryaan ?

Markaan aragti shaqsi cabiro ma ahan mucaarad  ee waa danlay u dhaqma qaab mooryaaneedkii shagaashameeyadii  lagu kicin jiray waa warayda qabiilka iyo reer hebel yaa ay wax noqon  adeer miyaan taas  aragtidaada gaaban dhaafin, miyaysan  hiil u ahayn cadowga somaaliyeed  oo misay hadana hanjab u ahayn madaxda ku hogaamisa ?

ninka Siyaasiga ah ee garan la’in uu sugo  afar sano waxaa ay ka dhigantahay hadii aanan cunayn waan caraynayaa '''adeer Hadii aad garwaaqsato in aad haysato wax kugu filan,waxaad tahay hodan(Taajir) dhab ah."" Ee na dhaaf waan kaa dheregsanahee.Somaaliya ha noolaayo.

Aragtida  qoraalka waxaa ay gaar u tahay qofka ku saxiixan

Bashir A.Egale